పిచ్చి మనసా

పిచ్చి మనసా

మారుతున్న మనుషులెంత 

సహజమో 

మారే మనసులు అంతే సహజము 

పగలు తరువాత రేయి ఎంత 

సహజమో 

నమ్మిన తరువాత వంచన అంతే సహజం

పదే పదే తిన్న పదార్ధం వెగటు కలిగించటం 

ఎంత సహజమో 

చేరువైనాక దూరమవ్వటం అంతే సహజం

నిన్న తరువాత నేడు 

నేడు తరువాత రేపు 

ఎంత సహజమో 

ఆరాధన తరువాత నిరసన 

ప్రేమ తరువాత క్రోధం 

అంతే సహజం 

ఎక్కడో 

ఎప్పుడో 

అసహజంగా 

కొందరు మనసున్న మనుషులు 

ఎప్పటికి మారకుండా 

చేరువైనాక దూరం కాకుండా 

ఒకే రకమైన

ఆరాధన ఆత్మీయతతో ఉంటారు 

అలాంటి వాళ్ళు ఎదురైతే 

ఎదలో పదిలంగా దాచుకో 

ప్రాణంలా కాపాడుకో 

అలా మనుషులు లేరని

మనసులు లేవని 

పదే పదే 

మనసుని

మానలేని గాయాలు చేసుకోకు.......