ఏమిటి నీ లక్ష్యం

నా అంతర్యంలోకి తొంగి చూడాలని ఎందుకంత ఆశ

ఇక్కడ విశాల ప్రపంచం కాలక్షేపంగా

పాడుకొనే సరాగాల సరిగమలు లేవు

ఎ సినీకవో జాలువార్చిన విషాద గీతాలు తప్ప

అంతర్ముఖ కల్లోలమైన అంతఃపురాలు లేవు

ఆందోళనతో అల్లిన పొదరిల్లు తప్ప

నీవు నా మీద ప్రయోగించిన ఈ ప్రేమాస్త్రం

నీకు కొత్తది కాకపోవచ్చు(కనీసం వినివుంటావేమొ)

కాని నా systematic ప్రపంచానికి ఇది కొత్తదే

నేను నేర్చిన అక్షరాలలో ఎక్కడ అందమైన పుష్పాలు లేవు

ఆర్ద్రమిళితమై రాలిపోయిన చిగురుటాకులు తప్ప

నీ చూపుల శూలాలను నా గుండెను లక్ష్యంగా 

చేసుకొని వదలటంలోని అంతర్యం నాకు అర్థం కావటం లేదు